“ ဘုရားသခင် ဖန်ဆင်းတော်မူစက ယောကျာ်း နှင့် မိန်းမ နှစ်ယောက်တည်းကို ဖန်ဆင်းတော်မူ၏။ ထို အကြောင်းကြောင့် ယောကျာ်းသည် ကိုယ် မိဘ ကို စွန့်၍ ကိုယ် ခင်ပွန်း ၌ မှီဝဲသဖြင့် ၊ထို သူနှစ်ယောက်တို့သည် တစ်သားတစ်ကိုယ် တည်း ဖြစ်ရလိမ့်မည်။ ထို့ကြောင့် လင်မယား တို့သည် နှစ်ဦးတည်း ဖြစ်၏။ ဘုရားသခင် တွဲဘက်၍ ထမ်းပိုးတင်တော် မူသော အရာကို လူမခွဲမခွာစေနှင့်ဟု မိန့်တော်မူ၏။’’ (မာကု ၁၀း၆-၉)။
“ အိမ်ထောင် မိသားစု ” ဆိုသည်မှာ ဘုရားသခင် ၏ အလိုတော်နှင့်အညီ တည်ထောင်ထားသော လူ့ အသိုက် အဝန်း ဖြစ်သည်။ (ကမ္ဘာ ၂း၁၈ – ၂၄) ။ မိခင်၊ ဖခင် နှင့် သားသမီးများ တစ်နေရာတွင် အတူတကွ စုဝေးနေထိုင်ကြပြီး ချစ်ခြင်းမေတ္တာ တရားအပေါ် အခြေခံလျက်၊ ပေါင်းသင်းဆက် ဆံ၍ ဆောင်ရွက်စရာ အမှုကိစ္စရှိသမျှကို ဝိုင်း ဝန်းသယ်ပိုး ထမ်းဆောင်ရင်း ဘသခရီးကို ရင်ဆိုင်ကျော်လွှားသွား ဖို့အတွက် ဖြစ်သည်။
“ အိမ်ထောင်မိသားစု ” ဆိုသည်မှာ လူမျိူးနွယ် အစဉ်အဆက်တို့ကို သီချုပ်ထား သော ‘ ချည်မျှင် ‘ဖြစ်သည်။ အိမ်ထောင် အားဖြင့် သာလျှင် မိမိနှင့် သက်ဆိုင်သော ဘိုးဘေးများ၊ မျိုးရိုးစဉ်ဆက်များကို သိရှိနိုင်ပါသည်။ ဆက်စပ်နိုင်ပါသည်။ ဘိုးဘေးများ၏ အသက်ရှင်နေထိုင်ခဲ့သော အချိန်ကာလ နေရပ်ဌာနများနှင့် သူတို့၏ အမည်နာမများကို သိရှိနိုင်ပါသည်။ ထိုမျှသာမက အိမ်ထောင် အားဖြင့် သာလျှင် ကျွန်ုပ်တို့၏ သားစဉ် မြေးဆက် တို့အနာဂတ် ရှေ့ရေးးအတွက် မျှော်လင့်ချက်များဖြစ်လာမည်ဖြစ်သည်။
အိမ်ထောင်မိသားစု (Family) ကို အိမ် (Home) ဟု အဓိပ္ပါယ် သတ်မှတ်ကြ ပါသည်။ အိမ် ဆိုသည် မှာ မိမိ၏ အသဲနှလုံး ရှိသော နေရာပင်ဖြစ်သည်။ အိမ်ထောင်မိသားစု (သို့မဟုတ်) အ်ိမ် ဆိုသည်မှာ လူသား များ ဖွံ့ဖြိုးတိုးတက်လာရေးအတွက် မူလ အခြေခံ အုတ်မြစ် (သို့မဟုတ်) ဌာနချုပ်ပင် ဖြစ်သည်။
ဘုရားသခင် နှစ်သက်တော်မူသော အိမ်ထောင်ဖြစ်နိုင်ရေးအတွက် လိုအပ်ချက်များမှာ- ၁။ ဘုရားသခင် အပေါ်မှာ တည်ဆောက်သော အိမ်ထောင်ဖြစ်ရမည်။ (ဆာ ၁၂၇း ၁)။
ထာဝရဘုရားသခင်သည် အိမ်ကို ဆောက်တော်မမူလျှင်၊ ဆောက်သောသူတို့သည် အချည်းနှီး လုပ်ဆောင် ကြ၏ ဟုဆိုထားသောကြောင့် ၊ဘုရားသခင်မပါဘဲ တည်ထောင်ထား သော အိမ်ထောင်သည် ကျရှုံး သွားမည်သာ ဖြစ်သည်။ ကြိုးစားအားထုတ်မှု မှန်သမျှတို့ သည်လည်း အချည်းနှီး အလဟသ ဖြစ်ကုန်မည် ဖြစ်သည်။ ခရစ်တော်သည် ရှင်ပြန် ထမြောက်တော် မမူလျှင်၊ ကျွန်ုပ်တို့၏ ယုံကြည်ခြင်းသည်လည်း အချည်းနှီးဖြစ်မည်။
(၁ကော ၁၅း၁၄) ဟုဆိုထားသကဲ့သို့ ခရစ်တော်မပါသော လက်ထပ်ခြင်းသည်လည်း ကျရှုံး မှုနှင့် သာ ရင်ဆိုင်ရမည်ဖြစ်သည်။ ဘုရားသခင် တည်ဆောက်သော အိမ်ထောင်ဖြစ်နိုင်ဖို့ မိသားစုဝင်များသည် နေ့စဉ် ကျမ်းစာဖတ်ခြင်း၊ ဆုတောင်းခြင်းအမှုကို တစ်ခုကို မပျက်မကွက် ဆောင်ရွက်နေရမည်။ အိမ်ထောင်တစ်ခုကို တည်ဆောက် နေခြင်း သည် ဘုရားသခင်၏ အလိုတော်နှင့် အကြံအစည်တော် ပြီး ပြည့်စုံလာရန် အတွက်အပ်နှံ အစေခံနေခြင်း ဖြစ်သည်ဟု ခ့ယူယုံကြည်နေရမည်။
အိမ်ထောင်များ တွင်တွေ့ကြုံရင်ဆိုင်ရလေ့ရှိသည့်ငွေရေးကြေးရေး ကြပ်တည်းခက်ခံမှု၊ ဖျားနာမှု၊ အိမ်သားအချင်းချင်း မသင့်မတင့်ဖြစ်မှု၊ ဝမ်းနည်းကြေကွဲစရာများနျင့် တွေ့ကြုံရင် ဆိုင်ရမှု စသည့် ဘဝလောက်ကဓံလှိုင်းများရိုက်ခတ်လာသော အချိန်အခါမျိုးတွင် ဘုရားသခင်
၏ နှုတ်ထွက်စကားတော်တည်းဟူသော အိမ်ဖြစ်နေမှသာလျှင် မပြိုမလဲ၊ ခိုင်မြဲစွာဆက်လက် ရပ်တည်နေနိုင်မည်ဖြစ်သည်။ (သု ၁၄း ၁၂၊ ဧဖက် ၅း၁၅-၁၇)။ ဘုရားသခင်၏ အလိုတော် နှင့်အညီ ကျင့်သောသူတို့သည် အစဉ်ထာဝရငြိမ်သက်ဝမ်းမြောက်ခြင်းဆုကျေးဇူး ကောင်းချီး မင်္ဂလာကို ရရှိခံစားရမည် ဖြစ်သည်။ (၁ယော ၂း၁၅-၁၇)
၂။ ချစ်ခြင်းမေတ္တာ အပေါ်မှာ တည်ဆောက်သော အိမ်ထောင်ဖြစ်ရမည်။ (၁ယော ၁၃း၎-၈)
အိမ်ထောင်တစ်ခုကို တည်ဆောက်ရာတွင်ရုပ်ရှင် ထဲကလို အပေါ်ယံအချစ်မျိုးဖြင့် တည်ဆောက်၍ မရပါ။ ( ၁ကော ၁၃း၎-၈) တွင် ဖော်ပြသည့် ချစ်ခြင်းမေတ္တာသည်၊ အပြောထက် လက်တွေ့အလုပ်ခြင့် ချစ်ကြဖို့ သွန်သင်နေ ခြင်းဖြစ်သည်။ အိမ်ထောင် တစ်ခုတွင်ရှိသော မိသားစုဝင်များတို့သည် စိတ်ရှည်ခြင်း၊ ကျေးဇူးပြုခြင်း၊ သည်းခံခြင်း၊ စွန့်လွှတ်ခြင်း၊ ဖြောင့်မတ်ခြင်း၊ သစ္စာစောင့်ခြင်း၊ ကိုယ်ကျိုးစွန်ခြင်းစသည့် စိတ်ဓါတ်မျိုးဖြင့် အစဉ်အမြဲ အသက်ရှင် နေထိုင်ကျင့်ကြံပြုမှုနေရမည်။ ဂုဏ်ပြိုင်ခြင်း၊ ဝါကြွားခြင်း၊ မာန်မာန ထောင်လွှားခြင်း၊ မလျောက်ပတ်စွာကျင့်ခြင်း၊ဒေါသအမျက်ထွက်ခြင်း၊ ဖောက်ပြန်ခြင်း စသည့်တို့သည်အိမ်ထောင်ကို ပြိုကွဲသွားစေမသည့်အရာများပင်ဖြစ်သောကြောင့်ရှောင်ကြဉ်ရမည့်အရာများပင်ဖြစ်သည်။ (၁ကော ၃း၁၈)။
မိသားစုဝင်များတို့သည် တစ်ဦးလဲသော် တစ်ဦး ထူမ၊ တစ်ဦးအားနည်းသော် တစ်ဦးက ဖေးမကူညီပေးရမည်ဖြစ်သည်။ ရယူလိုသည့် ချစ်ခြင်းမေတ္တာမျိုး မဟုတ်ဘဲ ပေးဆပ်လိုသည့် ချစ်ခြင်းမေတ္တာ၊ တစ်နည်းအားဖြင့် သခင်ယေရှု၌ရှိသော ချစ်ခြင်းမေတ္တာမျိုးဖြစ်ရမည်။ (ယော ၁၅း၁၃၊ ဖိ၂း၅)။ ချစ်ခြင်းမေတ္တာမရှိသော အိမ်ထောင် ၌ ဘုရားသခင်လည်း ရှိနိုင်မည် မဟုတ်ပါ။ အဘယ်ကြောင့်ဆိုသော် ဘုရားသခင်သည် ချစ်ခြင်းမေတ္တာဖြစ်တော်မူသောကြောင့် ဖြစ်သည်။ (၁ယော ၄း၇-၈)။
ချစ်ခြင်းမေတ္တာ သည်သာလျှင် အလွန်လေးလံများမြောင် လှသည့် အိမ်ထောင် တာဝန်ဝတ္တရားများကို ဆောင်ရွက်ရာ၌ လွယ်ကူပေါ့ပါးစေပါသည်။ ထို့အပြင် အဓွန့်ရှည် တည်တံ့ခိုင်မြဲသည့် အိမ်ထောင်တစ်ခုဖြစ်တည်နိုင်ရေးအတွက် အခြေခံအကျဆုံးးနှင့် အလိုအပ်ဆုံးသောအရာလည်း ဖြစ်ပါသည်။ ချစ်ခြင်းမေတ္တာခေါင်းပါးဆိတ်သုဉ်း နေသော အိမ်ထောင်သည် သာယာပျော်ရွင်မှုအပေါင်းနှင့် ကင်းဝေးနေမည်ဖြစ်ပြီး၊ ငြိးငွေ့ဖွယ်ဖြစ်နေ ပေလိမ့်မည်။ ထိုထက်မက ပြိုကွဲသွးရန် အလွန်လွယ်ကူသော အနေအထားသို့ ရောက်ရှိသွား လိမ့်မည်။ ချစ်ခြင်းမေတ္တာသည် အမြတ်ဆုံး သော အရာဖြစ်ပါသည်။ (၁ကော ၁၃း၁၃)။
၃။သစ္စာစောင့်သိခြင်း အပေါ်မှာ တည်ဆောက်သော အိမ်ထောင်ဖြစ်ရမည်။ (၁ကော၁၃း၇- ၈) ။
အကြင်လင်မယားတို့သည် သေသည့်တိုင်အောင်တစ်ဦးအပေါ်တစ်ဦး သစ္စာစောင့် သိနေရမသည်။ ပျော်ရွှင်ချိန်၊ ခက်ခဲချိန်၊ မသညသည့်အခြေအနေအချိန်အခါမျိုး တွင်မဆို၊ လက်ထပ်ထိမ်းမြားခဲ့ချိန်က၊ လူရှေ့ ဘုရားသခင်ရှေ့တွင် သစ္စာဆိုခဲ့သော လက်ထပ်ပဋိညာဉ် ကို အောက်မေ့သတိရလျက်၊ စောင့်ထိန်းလိုက်နာနေရမည်။ ထို့အတူ အ်ိမ်ထောင်မိသားစုဝင် အယောက်စီတိုင်းသည် လည်း မပြောသင့် မလုပ်သင့်သည့် အမှုအရာများကို ရှေင်ကြဉ် ရမည် ။ တစ်ဦးနှင့်တစ်ဦး ယုံကြဉ်စိတ်ချမှုရှိရမည်။ သံသယစိတ်ကင်းရှင်းရမည်၊ တစ်ဦး တစ်ယောက်၌ အားနည်းချက်၊ ချိုးယွင်းချက်ရှိနေခဲ့လျှင်လည်း၊ တစ်ချိန်ချိန်မှာ အမြင်မှန်ရလာ လိမ့်မည်၊ ပြန်ကောင်းလာမည်ဟူစော မျှောင့်လင့်ချက် ထားရှိရမည်။
အ်ိမ်သားအချင်းချင်း လက်စားချေမှု၊ လက်တုံ့ပြန်မှု မပြုဘဲ၊ စိတ်ရှည်သည်းခံလျက်၊ အဆိုးကို အကောင်းဖြင့် အနိုင်ယူတတ်သော သဘောကိုယ်စီရှိရမည်၊ သူတစ်ပါးက စွန့်ပစ်လိုက်သော်လည်း ကိုယ်က ကာကွယ်ပေးရမည်။ မိသားစုဝင်များသည် ဖောက်ပြန်ခြင်းသဘောနှင့် အစဉ်ကင်းလွတ်နေရမည်၊ ဘုရားသခင်သည် သစ္စာတည်သော ဘုရားသခင်ဖြစ်သည်။ ကတိတည်သော ဘုရားသခင် ဖြစ်သည်။ ထိုနည်းတူ ဘုရားသခင်ကို ယုံကြည်သူတိုင်း အရာရာ၌ကတိသစ္စာစောင့်သိသူ၊ ကတိတည်သူဖြစ်ရပေလိမ့်မည်။ သစ္စာစောင့်သိသူများဖြင့် ဖွဲ့စည်းတည်ထောင်ထားသောအိမ်ထောင်သည်သာလျှင် သာယာပျော်ရွှင်မှုနှင့် အဓွန့်ရှည် တည်တံ့ခိုင်မြဲမှုတို့ဖြင့် ရပ်တည်နေနိုင်မည် ဖြစ်သည်။
နိဂုံး
အိမ်ထောင်မိသားစု ဆိုသည်မှာ ဤ လောက၌ရှိသော ကောင်းကင်းဘုံဖြစ်သည်ဟု တင်စားပြောဆိုလေ့ ရှိပါသည်။ သို့သော် သတိမထားလျှင် လောကငရဲ ဖြစ်သွားနိုင်ပါသည်။ ဘုရားသခင်နှစ်သက်သော အိမ်ထောင်သည် ကောင်းကင်းဘုံ နှင့် ဆိုင်သော အနှစ်သာရများ နှင့်ပြည့်ဝနေရမည် ဖြစ်သည်။ အထက်ပါ အချက် (၃)ချက်အတိုင်း လိုက်နာကျင့်သုံးသော အိမ်ထောင်မှသာ လျှင်၊ သာယာပျော်ရွှင်အောင်မြင်သော အိမ်ထောင်၊ ဘုရားသခင် စိတ်တော် နှင့် တွေ့သော အိမ်ထောင်ဖြစ်နိုင်ပေလိမ့်မည်။
အသင်တော်အစ၊ အိမ်ထောင်က ဟူသော ဆိုရိုးစကားနှင့်အညီ၊ သာယာအောင်မြင် သော ခရစ်ယာန်အိမ်ထောင်များဖြင့် ဖွဲ့စည်းတည်ထောင်ထားသော အသင်းတော်သည်လည်း အဘက်ဘက်မှာ ခွန်အားတောင့်တင်းခိုင်မာ နေမည်ဖြစ်သည်။ ထို့အတူ၊ သာယာပျောင်ရွှင် အောင်မြင်သော အိမ်ထောင်များဖြင့် ဖွဲ့စည်းတည်ထောင်ထားသော လူမျိုး၊ တိုင်းပြည် တို့သည်လည်း အဘက်ဘက်မှာ ကြီးပွားတိုးတက်နေမည်သာ ဖြစ်သည်။
ယုံကြည်သူခရစ်ယာန်သားသမီး အယောက်စီတိုင်း တို့သည်လည်း ဘဝအသက်တာ၌ ဘုရားသခင်နှစ်သက်တော်မှုသော အိမ်ထောင် တည်ဆောက်နိုင်ရန်အတွက် ကြိုးစားအား ထုတ်ကြပါစို့။
သိက္ခာတော်ရဆရာဂျာနော်ဂျူနီယာ
ရန်ကုန်ကချင်နှစ်ခြင်းခရစ်ယာန်အသင်းတော်
